Ойуур баһаардара: Сунтаар улууһа

Ааптар: 
Бөлөххө киир:

Сунтаар улууһун баһылыгын бастакы солбуйаччы Николай Александров иһитиннэрэринэн, бэс ыйын 23 күнүн сарсыарда 11 чаастааҕы туругунан улууска 6 ойуур баһаара баар. Олортон биэһигэр умулларыы үлэлэрэ бараллар, иккитэ бэҕэһээ, бэс ыйын 22 күнүгэр, булуллубуттар.

Билиҥҥи туругунан 11№-дээх баһаары умуруорууга күүстээх үлэ барар. Бу баһаар бэҕэһээ Кутана нэһилиэгин сиригэр киирэн Кутанаҕа, Тумулга улахан кутталы, ыксалы үөскэтэ сылдьыбыта. Элбэх тиэхиньикэни үлэлэтии, баһаары умуруоруу араас ньымаларын туттуу  түмүгэр ити баһаар улахан куттала арыый үмүрүйдэ. Манна «Упрдор Вилюй» ФКУ тэрилтэ 2 бульдозера улахан көмөнү оҥордо. 22-тэн 23 буолар түүнүгэр оперативнай ыстаап лесхоз үлэһиттэрин кытта бииргэ сылдьан баар тиэхиньикэ, дьон күүһүн аттаран туруоруу түмүгэр быһыы-майгы хонтуруолга тутуллар.

Бүгүн Тумул баһааргыгар федеральнай күүстэр байыастара тиийиэхтэрэ, минерализованнай ханаабалар кэҥэтиллиэхтэрэ. Нэһилиэнньэҕэ куттал суох.

Саҥа  термическэй туочукалар Кэмпэндээйи нэһилиэгин сириттэн  10-15 км соҕуруулуу-арҕаа көстүбүттэр. Онно мобилизованнайдар уонна лесхоз үлэһиттэрэ ыытыллыбыттар. Умайыылар Улахан Уоттаах уонна Кыра Уоттаах диэн үрэхтэр тардыыларынан буолтар. «Бе-200» сөмөлүөт өҥөтүгэр сайаапка оҥоһулунна.

Эмиэ бэҕэһээ Бүлүү өрүс уҥуор  Куокуну нэһилиэгиттэн 23 км тэйиччи  сиргэ көстүбүт баһаары умуруорууну саҕалыырга дьаһал ылылынна. Нэһилиэнньэлээх пууҥҥа куттал суох.

Бүлүүчээнтэн 18 км тэйиччи умайар баһаарга билиҥҥитэ 40 мобилизованнайдар уонна 24 ойуур хаһаайыстыбатын үлэһиттэрэ үлэлииллэр. Бары баһаардарга үлэлээччилэргэ сөптөөх аһылык, туттар тэрил тириэрдиллэ турар.

Бу күннэргэ бүрүүкээбит кураан,куйаас күннэр ойуур баһаардарын кытта охсуһууга төһө да уустуктары үөскттэллэр, бары үлэһиттэр туруулаһан туран баһаары утары охсуһаллар.

ulusmedia.ru

+1
0
+1
0
+1
0
+1
0
+1
0
+1
0
+1
0