Ойуур баһаардара: 20 умуруорулунна, 14 бохсулунна

Ааптар: 
Бөлөххө киир:

Ааспыт хонукка 20 ойуур баһаара умуруоруллубут, 14 бохсуллубут.

Бүгүн, от ыйын 14 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников брифиҥҥэ иһитиннэрбитинэн, бүгүҥҥү күн туругунан эрэгийиэҥҥэ 1 мөл 305 тыһ. 175 га иэннээх сиринэн 316 ойуур баһаара бэлиэтэнэр.
496 тыһ. 700 га иэннээх сиринэн 76 ойуур баһаарын умуруоруу үлэтэ ыытыллар.
Ааспыт хонукка өрөспүүбүлүкэҕэ барыта 20 ойуур баһаара умуруоруллубут, 14 бохсуллубут. 12 термотуочука булуллубут.
Ойуур баһаарын умулларыыга 2244 киһи, 320 тиэхиньикэ үлэлии сылдьар.
Салгын ааллара эмиэ көмөлөһөллөр. РФ ЫБММ Ми-8 биир бөртөлүөтэ «Өлүөнэ очуостара» национальнай пааркаҕа уоту умулларыыга эбии күүстэри уонна малы-салы тиэрдиигэ көмөлөстө диэн бэлиэтэнэр. РФ Оборонаҕа министиэристибэтин Ми-8 икки бөртөлүөтэ Өлүөхүмэҕэ уонна Дьокуускайга дьону тарҕатыыга, ууну кутар тэриллээх биир бөртөлүөт Ньурба оройуонугар баһаары умулларыыга кытыннылар. 38 туонна уу кутулунна диэн этиллэр.
Маны сэргэ, РФ Бэрэсидьиэнин сорудаҕынан өрөспүүбүлүкэҕэ РФ Оборонаҕа министиэристибэтин Ил-76 икки сөмөлүөтэ  кэлэрэ былааннанар. Бу көтөр ааллар Мииринэй куоракка баазаланаллар.
Оттон эрэгийиэҥҥэ ардаҕы түһэрэргэ Ан-26 сөмөлүөт үлэлиир.
+1
0
+1
0
+1
0
+1
0
+1
0
+1
0
+1
0