Авиалесоохрана суһал иһитиннэриитинэн, Горнай, Нам, Сунтаар, Уус Алдан, Ньурба, Дьааҥы, Томпо улуустарыгар 15 ойуур баһаара баара биллибит.
Итинтэн икки баһаар умуруоруллубут. Кэтээн көрүү саҕаланыаҕыттан ойуур баһаарын түмүгэр 14 831 га сири уот сиэбит. Ойуур баһаарын умулларыыга 244 киһи кыттыбыт уонна 15 тиэхиньикэ туһаныллыбыт. Сууккаҕа уопсайа 70 киһи кыттыылаах 14 хонтуруоллуур манабыл бөлөхтөр тэриллэн үлэлээбиттэр. Аҕыс административнай боротокуол оҥоһуллубут, 175 киһиэхэ баһаартан сэрэхтээх буолууга сэрэтии оҥоһуллубут.
«Ойуур баһаара ааспыт сууккаҕа иккинэн эбилиннэ. Манан сибээстээн хонтуруоллуур сирбит иэнэ 174 гектарга диэри кэҥээн биэрдэ. Бэлиэтээн эттэххэ, сууккаҕа биэс ойуур баһаара (78 иэннээх сир) умуруорулунна. Нэһилиэнньэлээх пууннартан 10 км чугас аҕыс ойуур баһаара Уус Алдаҥҥа, Ньурбаҕа, Намҥа, Сунтаарга, Горнайга бааллара бэлиэтэннэ», — диэн СӨ ЫБММ сүрүн управлениетын салайааччыта Павел Гарин иһитиннэрдэ.
Ульяна Захарова, edersaas.ru