Алдан оройуонун маастардарын дэлэгээссийээтигэр киирсэн кытта кэлбит Лариса Гермогенова быыстапкаҕа туруорбут оҥоһуктара дириҥ ис хоһоонноохторун билиһиннэрдэ.
Ол курдук, хас биирдии оҥоһук орнамена, ойуута алгыс, арчы кэриэтэ эбит. «Таҥна сылдьар таҥаһа киһи туһунан барытын сиһилии кэпсиир. Ол курдук, үс муннук ойуу бу киһи дириҥ силистээх-мутуктаах, киэҥ аймахтан төрүттээҕин, таба муоһа, элбэх хаһаайыстыбалааҕын, кыахтааҕын көрдөрөр. Хара уонна үрүҥ тыстар арастаһыылара — түүннээх-күнүс солбуһан, олоҕун устатын диэн алгыс суолталаах. Араас дьураалаах синньигэс кыбытык — кыыл-сүөл суола-ииһэ. Ол эбэтэр бу киһи булчут удьуора эбэтэр байанайдаах булчут буол диэн алгыс бэлиэтэ. Эдэр кыргыттар таҥастарыгар синньигэс билэ оҥоһуллар, саастаах дьахталларга — кэтит», — диэн кэпсиир Лариса Гермогенова.
«Норуот култуурата, абыычайа, үгэһэ — кини ойуутугар-оһуоругар» диэн маны этэн эрдэхтэрэ. Оттон бу үгэһи тарҕатааччылар ынан, дьоҥҥо тиэрдээччилэринэн норуот маастардара буолаллар.
Елена ПОТОЦКАЯ, Саха сирэ хаһыат, edersaas ru