Араас ыал баар. Эр киһи дьахтары кытта сокуонунан холбоспокко олорор буоллаҕына, кинини иитэр-аһатар эбээһинэстээх курдук санаммат быһыылаах. Төттөрүтүн, ыларын ылан баран, суола сойуон сөп.
Ленскэйгэ биир оннук эр киһиэхэ суут уурааҕа таҕыста.
Суут быһаарбытынан, бу киһи бииргэ олорор дьахтара элбэх харчылааҕын, ону ханна уура сылдьарын бэркэ диэн билэр буолан, ол харчыттан бастаан 300 тыһ. солк. ылбыт. Оннук сотору-сотору сойботон, түмүгэр, уопсайа 1 мөл. солк. тахса сууманы уорбут. Уонна ону барытын бэйэтин наадатыгар туттубут.
Суут мунньаҕар уоруйах буруйун толору билиммит, ону ааһан, «гражданскай» ойоҕор уорбут харчытын сууматын барытын төннөрбүт.
Ону учуоттаан, суут кинини 3 сылга көҥүлүн быһары усулуобунайынан ааҕан, 1 сыл 6 ыйга тургутар болдьоххо уурбут.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.