Көссүү туһунан араас анекдот көрү таһаарар эбит буоллаҕына, дьиҥ олоххо итинник быһылаан алдьархайы аҕалар.
Горнай улууһун Бэрдьигэстээх сэлиэнньэтигэр бу дьыл алтынньы 21 күнүгэр бу быһылаан таҕыста. 34 саастаах киһи киэһэ 17.00 чаас саҕана дьиэтигэр кэлбитэ — ойоҕо оронноругар атын киһилиин сытар эбит.
Уһуннук саарыы барбакка, сиэйпэтиттэн икки уостаах «ИЖ-58» саатын ылан, 12 калибрдаах ботуруонунан иитэн баран, эр киһини төбөҕө ытан, миэстэтигэр тыынын быспыт. Уонна полицияны бэйэтэ ыҥырбыт.
Сити күн кинини хаайбыттар.
Уорбаланааччы психологическай туругун быһаарар сыалтан, судебнай психолого-психиатрическай экспертиза анаммыт.
Бу чахчынан РФ Холуобунай кодексатын 105-с ыст. 1 чааһынан («Киһини соруйан өлөрүү») холуобунай дьыала тэриллибитин туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.
Биһиги корр., «Саха сирэ» хаһыат, edersaas.ru
Хаартыскалар: интэриниэттэн уонна РФ СК Саха сиринээҕи управлениета..