Саха сирин оҕунан ытыыга хамаандата Арассыыйа чөмпүйэнээтигэр бастаата.
Бу күннэргэ Крым Алушта куоратыгар буола турар оҕунан ытыыга Арассыыйа чөмпүйэнээтигэр охчуттарбыт ситиһиилээхтик кытыннылар.
Ол курдук, кыргыттарбыт Кристина Устинова, Рената Курчатова уонна Валентина Евдокимова 70 миэтэрэттэн классическай ытыыга дойду үрдүнэн бастыҥ көрдөрүүлэннилэр. Кинилэр хамаанданан ытыыга кыайаннар, Саха сирин успуордун устуоруйатыгар аан бастакынан маннык ситиһиилэннилэр.
Чөмпүйүөннэри эҕэрдэлээн, Ил Дархан Айсен Николаев «Инстаграмыгар» маннык суруйда: «Кристина Устинова, Рената Курчатова уонна Валентина Евдокимова, эһиги маладьыастаргыт! Саха сирэ киэн туттар! Кытаанах доруобуйаны, ситиһиилэри, чаҕылхай кыайыылары баҕарабын!».
edersaas.ru
+1
+1
+1
+1
+1
+1
+1