Оҕо босуобуйатын эбэр туһунан дойду бэрэсидьиэнэ Владимир Путин Федерация Сэбиэтин чилиэннэригэр туһаайан эттэ.
edersaas.ru
Дойду бэрэсидьиэнэ Владимир Путин Федерация Сэбиэтин чилиэннэрин кытта көрүстэ. Арассыыйа парламенын үрдүкү балаататын күһүҥҥү мунньаҕын иннинэ туохха болҕомто уурар наадатын эттэ.
Үлэтэ суох киһи ахсаана элбии турара дьиксиннэрэр. Атырдьах ыйыттан саҕалаан үлэлиэн-хамсыан сөптөөх нэһилиэнньэ 6 % таһымнаабыт.
«Ол иһин кыаммат ыалга оҕо босуобуйата ый аайы көрүллэр. Бу көмөнү бүтүн дойду үрдүнэн 4 мөлүйүөн 850 тыһыынча оҕо туһанар. Кыра дохуоттаах ыалы өйүүр наадаттан бүддьүөтү көрүүгэ оҕо босуобуйатын үрдэтэр кыах баарын учуоттааҥ», — диэн Владимир Путин Федерация Сэбиэтин чилиэннэригэр туһаайан эттэ.
Санатар буоллахха, Владимир Путин төрүөҕүттэн үс сааһыгар диэри оҕо босуобуйатын кээмэйин улаатыннарар туһунан этиини ыам ыйын 11 күнүгэр иһитиннэрбитэ. Бу көмө харчыны социальнай көмөҕө наадыйар ыаллар туһаналлар.
Билигин Саха сиригэр оҕо босуобуйата дьон олорор сириттэн маннык бэриллэр:
Владимир Путин этэринэн, бу миэрэ кыаммат ыалга төһө да кыра суумма буоллар, балаһыанньаны тупсарарга төһүү буолар. “Пандемия дойду бүддьүөтүгэр, биллэн турар, охсууну аҕалла. Ол да буоллар дьиэ кэргэҥҥэ туһуламмыт социальнай көмөлөр, өйөбүллэр эҥкилэ суох оҥоһулаллар”, — диэн дойду бэрэсидьиэнэ тоһоҕолоон эттэ.
Ирина Ханды, “Саха сирэ” хаһыат, edersaas.ru