«Чурапчы Одьулуунугар ньиэптэрин носуоһа алдьаммыт, чох оһохторо кыайбат эбит . Тахсан көрө сырыттым. Итинтэн ордук тугу да гынар кыах суох дииллэр. Хочуолунай иһэ ынырык буруо. Тойонноро олох да биллибэт үһү. Дьаабы усулуобуйаҕа хап хара дьон тиистэрэ эрэ килэйэн олороллор«, — диэн бүгүн сарсыарда Батсаабынан маннык иһитиннэрии тарҕанна.
edersaas.ru
Бу тымныыга бүтүн сэлиэнньэ тоҥноҕуна иэдээн дии. Сурах төһө оруннааҕын билээри Одьулуун баһылыга Людмила Ефремовалыын төлөпүөнүнэн кэпсэтэ сырыттым. Онуоха:
— Хочуолунайбыт бэҕэһээ түүн алдьаммытын оҥорбуттара. Бөлүүн эмиэ иккиһин алдьанна. Бүгүн сарсыарда сэттэ чаастан саҕалаан чааһынай ыаллары, социальнай эбийиэктэри кэрийдибит. Хамыыһыйа тэрилиннэ. Сорох тэрилтэҕэ 8 — 12 кыраадыһы көрдөрөр. Ити батсаапка суруйбуттарын курдук, чахчы хочуолунай иһэ буруо, — диэн кэпсээтэ.
Хочуолунай «Уют» ТСЖ көрүүтүгэр сылдьар. Салайааччылара куоракка олорор эбит. Чурапчыга биир эрэ үлэһиттээхтэр. Бүгүҥҥү туругунан хочуолунайга 35 ыал холбонон олорор.
Хаартыска: интэриниэттэн.
Анивера АКИМОВА, «Саха сирэ» хаһыат, edersaas.ru