Өрөспүүбүлүкэҕэ уопсайа 1 305 ОДьКХ үлэһиттэрэ уонна энэргиэтиктэр коронавируһу утары быһыыны ылбыттарын туһунан олох-дьаһах, хомунаалынай хаһаайыстыба уонна энэргиэтикэ министиэристибэтин пресс-сулууспата иһитиннэрдэ.
Бүгүҥҥү туругунан вакцинацияҕа ордук маассабайдык «СӨ ОДьКХ» ГУП кыттар. Билиҥҥитэ 424 үлэһит вакцинаны ылла.
Манна бастакынан быһыыны Муоматааҕы филиал уонна куораттааҕы «СӨ ОДьКХ» тэрилтэлэрин үлэһиттэрэ ылбыттара.
Оттон «Сахаэнерго» АУо 214 исписэлииһэ уонна «Теплоэнергосервис» 99 үлэһитэ коронавируһу утары быһыыны ыллылар.
«Теплоэнергосервис» АУо иһитиннэрэринэн, быһыыны бастаан Өймөкөөн уонна Алдан хампаанньаларын үлэһиттэрэ ылбыттар. Оттон «Водоканалга» 103 киһи быһыыны ылбыт.