ОДьКХ Саҥа дьыллааҕы өрөбүллэргэ

Ааптар: 
Бөлөххө киир:

СӨ ОДьКХ уонна энергетика миниистирэ Дмитрий Садовников Саҥа дьыллааҕы бырааһынньык күннэрэ олох-дьаһах коммунальнай хаһаайыстыбатын эйгэтигэр хайдах ааспыттарын туһунан пленарнай мунньахха иһитиннэрдэ.

Кини болҕомтолоох үлэ, иһитиннэриигэ суһал дьайыы иһин тустаах тэрилтэлэр кэлэктииптэригэр махтанна. Биэдэмистибэ баһылыга салгыы уокка-күөскэ улахан болҕомтолорун уура сылдьалларыгар уонна кыһыҥҥы суол-иис баар кэмигэр оттугу (ТЭР) тиэйии боппуруоһун хонтуруоллуу олороллоругар соруйда.

Ахсынньы 30 күнүттэн тохсунньу 11 күнүгэр диэри өрөспүүбүлүкэҕэ 12-тэ уокка-күөскэ (6 былааннаммыт үлэнэн)  уонна иккитэ сылааһынан хааччыйыы эйгэтигэр үлэлэр кэмигэр ыытыллыбыттар. «Якутскэнерго» ПАУо генеральнай дириэктэрин  бастакы солбуйааччы, кылаабынай инженер Игорь Шкурко иһитиннэрбитинэн, энергохолдинг линиийэтинэн уот-күөс сэттэ төгүллэн барыыта суһаллык чөлүгэр түһэриллибит. Оттон «Сахаэнерго» АУо, тохсунньу 6 күнүгэр Черскэй бөһүөлэгэр «Чукотэнерго» сайаапкатынан ДЭС үлэ ыытыллыбыт. Маны сэргэ, кыһыҥҥы суолунан оттугу тиэйии үлэтэ хонтуруолланар. «Теплоэнергосервис» АУо генеральнай дириэктэрэ Максим Трофимов Томмокко, Алдаҥҥа сылааһынан хааччыйыыга чөлүгэр түһэрии үлэлэрэ суһаллык ыытыллыбыттарын иһитиннэрбит. Анаабырга «СӨ ОДьКХ» ГУП эбийиэктэригэр балаһыанньа этэҥҥэ, оттугу тиэрдии үлэтэ хонтуруолланар.  Дьокуускай куорат баһылыгын солбуйааччы Роман Сорокин бэлиэтээбитинэн, -50 кыраадыс тымныыларынан, тохсунньу 20 күнүгэр диэри уокуруктарга уһулуччу бэлэмнээх буолуу эрэсиимин киллэрии туһунан боппуруос көрүллэр. «Теплоэнергия» АУо бырааһынньык күннэригэр, Марха микрооройуонугар тымныы уу скважинатын тиһигэр чөлүгэр түһэрии үлэтэ ыытыллыбыт.  Билигин онно бэрэбиэркэ ыытыллар.

СӨ ОДьКХ уонна энергетика министиэристибэтин пресс-сулууспата

+1
0
+1
0
+1
0
+1
0
+1
0
+1
0
+1
0