Коронавирус дьаҥа туруоҕуттан өрөспүүбүлүкэбит Ил Дархана Айсен Николаев күн ахсын социальнай ситимнэр, тэлэбиидэнньэ нөҥүө быһа биэриигэ тахсан, уопсай балаһыанньаны билиһиннэрэр. Ил Дархаҥҥа биир чаас иһигэр 500 тахса ыйытыы киирбитэ.
edersaas.ru
— — ОДЬКХ каассалара хаһан аһыллыахтарай, коронавирус дьаҥынан ОДьКХ төлөбүрүгэр ханнык сымнатыылар баалларый диэн ыйытыыларга маннык хоруй бэриллибитэ:
— Коронавирус дьаҥа салгыы тарҕамматын туһуттан, Саха өрөспүүбүлүкэтигэр хааччахтыыр миэрэлэр сымнаатахтарына эрэ ОДьКХ каассалара үлэлиэхтэрэ. Билигин бу төлөбүрдэри онлайн өҥө «электроннай ОДьКХ» диэн сбербаан нөҥүө төлүөххэ сөп.
РФ Бырабыыталыстыбата дьаҥ тарҕаныытын кэмигэр хааччахтыыр миэрэлэри ылыныытын таһынан, 2021 сыл тохсунньу 1 күнүгэр диэри ОДьКх өҥөлөрүн төлөбүрүгэр хойутааһын иһин пеня, ыстараап аахпат туһунан сымнатыыны киллэрбитэ. Ону сэргэ, хомунаалынай төлөбүр 30% төлүүргэ, онтон 70% СӨ бүддьүөтүттэн субсидияланар. Ол курдук, ОДьКХ төлөбүрүгэр өрөспүүбүлүкэҕэ аадырыстаах субсидиялар бааллар. Өскөтүн, төлөбүр дьиэ кэргэн дохуотун 15% элбиир буоллаҕына, бу субсидияланар.
Ульяна Захарова.