«ОДьКХ» ГУП сайын устата 276 кэтэх дьиэни киин ититэр ситимҥэ холбуоҕа

Билигин өрөспүүбүлүкэ үрдүнэн хомунаалынай хаһаайыстыба эбийиэктэригэр өрөмүөн, саҥардыы үлэтэ күүскэ бара турар. 

Быйыл «ОДьКХ» ГУП арктика улуустарыгар 169 уонна киин улуустарга 107 чааһынай дьиэни киин ититэр ситимҥэ холбуоҕа.  Итини ситиһэр инниттэн 16 км уһуннаах ититэр ситим тардыллыаҕа.  Тэрээһин кыттыгас үбүнэн ыытыллар. Улуустар бэйэлэрин бүддьүөттэриттэн үп көрөн, матырыйаалы атыылаһан тиэрдибиттэрин кэнниттэн ону хомунаалынай хаһаайыстыба тэрилтэтэ  таҥан, туруоран биэрэр.  Быйыл Абыйга 33, Анаабырга 42, Дьааҥыга 80, Өлөөҥҥө 3 уонна Орто Халымаҕа 11 дьиэ киин ититэр ситимҥэ холбонуллуохтара. Киин улуустары этэр буоллахха, Горнайга, Үөһээ Бүлүүгэ, Мэҥэ Хаҥаласка, Уус Алдаҥҥа уонна Хаҥаласка тустаах үлэ ыытыллыаҕа.