Мунньах кэмигэр улахан болҕомто эбийиэктэргэ баһаартан сэрэхтээх буолууга уурулунна. Генеральнай дириэктэри бастакы солбуйааччы – кылаабынай инженер Александр Корякин быйыл баһаары кэтээн көрүүгэ тэрилтэ булбут итэҕэстэрин туоратар уонна тэрилтэ эбийиэктэригэр баһаар турбатын туһугар автоматическай баһаарынай сигнализациялары уонна баһаары хаптатар бороһуогунан хааччыллыбыттарын бэлиэтээтэ.
Бу нэдиэлэ устата “СӨ ОДьКХ” ГУП филиаллары кытта оттук сезона хайдах ааһыытын, оттугунан хааччыллыы, баһаартан куттал суох болуутун боппуруостарыгар видеокэмпириэнсийэлэри ыытар.
Үлэ харыстабылын уонна баһаартан куттал суох буолуутун исписэлиистэрэ филиалларга уоту умулларар бастакы уочарат туттуллар тэриллэр, анал бэлиэлэр, баһаарынай щиттэр уонна кэмпилиэктэр эбии ыытыллыбыттарын туһунан иһитиннэрдилэр.
Дьүүллэһии кэмигэр производственнай филиаллар дириэктэрдэригэр сэрэтэр үлэни күүскэ ыыталларыгар сорудахтаатылар, кэлимсэ тэрээһиннэри ыытарга эттилэр.
“СӨ ОДьКХ” ГУП пресс-сулууспата
Женни Стрюкова бэлэмнээтэ.
Хаартыска: тустаах саайтан.
+1
+1
+1
+1
+1
+1
+1