СӨ ОДьКХ уонна энергетика министиэристибэтэ Хапытаалынай өрөмүөн фондун бэрэбиэркэлээтэ
Саха Өрөспүүбүлүкэтин ОДьКХ уонна энергетика министиэристибэтэ Хапытаалынай өрөмүөн фондун 2018 сыллааҕы үлэтин түмүгүн бэрэбиэркэлээтэ. 2018 сылга тустаах Фонда элбэх кыбартыыралаах 93 дьиэҕэ хапытаалынай өрөмүөнү 451,8 мөл солкуобай суумаҕа ыыппыт.
Маны сэргэ элбэх кыбартыыралаах 10 дьиэҕэ урут оҥоһуллубут хапытаалынай өрөмүөн итэҕэстэрин туораппыттар. 2019 сылга 206 дьиэҕэ 555 конструктивка уопсайа 100 мөл солк. суумалаах бырайыактыыр симиэтэтин докумуона оҥоһуллубут. Өрөспүүбүлүкэ үрдүнэн 11 муниципальнай тэриллиигэ элбэх кыбартыыралаах дьиэлэргэ хапытаалынай өрөмүөн ыытыллыбыт.
Хапытаалынай өрөмүөнү ыытыы түмүгэр 2018 сылга элбэх кыбартыыралаах дьиэ 12,8 тыһ. олохтооҕо олорор усулуобуйата тупсубут. 2018 сылга хапытаалынай өрөмүөн иһин усунуоһу хомуйуу 86 бырыһыаҥҥа тэҥнэһэр.Уопсайа 565 мөл солкуобай суумалаах усунуос хомуллубут.
Ыам ыйын 27 күнүнээҕи туругунан, 178 элбэх кыбартыыралаах дьиэҕэ уонна 290 конструктивнай элемеҥҥэ аукцион биллэриллибит, бэдэрээтчит тэрилтэ талыллыбыт.
2019 сыл тохсунньу ыйтан муус устар ыйга диэри 172,81 мөл солкуобай усунуос хомуллубут. Усунуоһу хомуйуу 73 бырыһыаҥҥа тэҥнэһэр, ити намыһах көрдөрүү.
Дьиэ-уот хомунаалынай хаһаайыстыбатын уонна энергетикаҕа министиэристибэтэ тустаах Фонда отчуотун истэн баран, хапытаалынай өрөмүөн усунуоһун хомуйууга иэһи аччатыыга күүскэ үлэлииргэ сорудахтаата.
СӨ Хапытаалынай өрөмүөҥҥэ фондатын пресс-сулууспата.