Бэҕэһээҥҥи уонна бу түүҥҥү чахчынан, обсерватордарга өрөспүүбүлүкэ үрдүнэн барыта 70-ча киһи хааччахтанан сытарын туһунан Ил Дархан бүгүҥҥү брифиҥҥэ эттэ.
—Өрөспүүбүлүкэҕэ обсерватордарга эбии куойкалары бэлэмнээһин үлэтэ ыытыллар. СӨ Доруобуйаҕа харыстабылын министиэристибэтэ итиннэ уонна дезинфекциялааһын үлэтин күүһүрдэргэ, эмтээһин-томтооһун боппуруоһугар үлэни хонтуруолга тутар.
Билигин коронавирус дьаҥыгар хаптарбыт, кинилэри кытары хантаактаспыт буолуон сөптөөх дьону бука барыларын чопчулуохха, булуохха, хааччахтааһыҥҥа олордуохха диэри балаһыанньаны көннө диир кыахпыт суох. Бу хантаактаспыттар бүгүн, сарсын чуо быһаарыллыахтара, — диэтэ.
Дьону-сэргэни санааларын түһэрбэттэригэр, бөҕөх буолалларыгар, олохтоммут ирдэбиллэри кичэллээхтик тутуһалларыгар ыҥырда.
+1
+1
+1
+1
+1
+1
+1