Сүрүн Уопсастыба

Обсерватордар үлэлэрэ сөргүтүллүөн сөп

Саха сирин кылаабынай санитарнай быраас Маргарита Игнатьева бүгүн эригийиэннээҕи суһал ыстаап мунньаҕар Дьокуускайга дьон хааччахтыыр миэрэни тутуспатынан, аттракционнары уонна COVID-free зоналар үлэлэрин тохтоторго этии киллэрдэ.

Ааспыт сууккаҕа Дьокуускай куоракка сыстыганнаах дьаҥҥа сутуллубут киһи ахсаана элбии түстэ — 65 киһи. Кылаабынай санитарнай  быраас Маргарита Игнатьева  этиитин  икки өттүнэн сэбиргэхтэтэн балыыһаларга элбэх оҕо киирбитин, сыстыганнаах дьаҥынан 18-40 саастаах дьон ыалдьалларын кытта сибээстээтэ. Кини өссө ыарыы бастакы өрө туруутун саҕана, дьаҥҥа сутуллубуттары  кытта сибээстээх дьону  обсерватордарга киллэрэн бэрэбиэркэлиир ньыманы төнүннэрэргэ этии  киллэрдэ.

Оттон вице-премьер  Ольга Балабкина оройуоннарга киин сиртэн тиийбит дьон хайаан да 14 хонук бэйэни хааччахтаналларын  олохтоох дьаһалталар ирдииллэрин санатта.

Эрэгийиэннээҕи суһал ыстаап мунньаҕын Ил Дархан Айсен Николаев ыытта.

Елена ПОТОЦКАЯ, «Саха сирэ» хаһыат, edersaas.ru

Хаартыска — Андрей Сорокин, СИА.

0
0