Ил Дарханы кытта быһа эпииргэ кэпсэтиигэ обсерватордар усулуобуйаларыгар сыһыаннаах ыйытыылар киирдилэр.
edersaas.ru
Дьону ордук Дьокуускайга Халтурин уулуссатыгар баар обсерваторга тахсыбыт түбэлтэ долгутар. Маныаха Айсен Николаев маннык быһаарда:
— Обсерватор балыыһа буолбатах. Манна ыарыһах дьон буолбакка, атын эрэгийиэнтэн кэлбиттэр (ханна да тахсыбакка дьиэҕэ олоруулара ирдэнэр) эбэтэр анаалыстара бигэргэммит дьону кытта хантаактаахтар быстах кэмҥэ — икки нэдиэлэҕэ киирэллэр. Оттон Халтурин уулуссатыгар баар обсерваторга буолбут түбэлтэҕэ үөрэх уонна наука министиэристибэтэ үлэһиттэрин сөптөөхтүк хонтуруоллаабатаҕын, тэрилтэ үлэтин ирдэбилгэ эппиэттиирдии хааччыйбатаҕын түмүгэр итинник быһыы-майгы үөскээтэ. Онуоха сөптөөх түмүк оҥоһуллубута, — диэн хоруйдаата Ил Дархан.
Елена ПОТОЦКАЯ, «Саха сирэ» хаһыат, edersaas.ru.
Хаартыска — интэриниэттэн.