Оҕуруот аһын дьаарбаҥката саҕаланна

Бөлөххө киир:

Балаҕан ыйын 10 күнүттэн саҕалаан, Дьокуускайга Комсомольскай болуоссакка «Урожай-2022» өрөспүүбүлүкэтээҕи тыа хаһаайыстыбатын быыстапка-дьаарбаҥката саҕаланна.

Манна 20-тэн тахса бааһынай хаһаайыстыбалара бэйэлэрэ үүннэрбит оҕуруоттарын аһын, фрукталарын атыылыыллар. Быйылгы  үүнүүлэрин батаралларыгар тоҕоостоох кэм үүннэ. Куорат олохтоохторо чэпчэки сыанаҕа сибиэһэй оҕуруот аһын ылаары, кыһыҥҥыга хаһаанаары, быыстапкаҕа тоҕуорустулар.

Дьаарбаҥка кэмигэр “Үүнүүгүттэн бэрис” диэн аһымал аахсыйа ыытыллыаҕа. Манна дьаарбаҥка кыттыылаахтара оҕуруоттарын аһыттан бородуукта нобуорун оҥорон, кыаммат ыалларга көмөлөһүөхтэрэ.

Барыта 60-ча дьиэ кэргэҥҥэ көмө оҥоһуллуохтаах. Аһымал аахсыйаҕа ким баҕалаах бары кыттыан сөп.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru.

+1
0
+1
0
+1
0
+1
0
+1
0
+1
0
+1
0