«Оһуокай» Саха сиринээҕи түмсүүтүн уопсастыбата 50 000-тан тахса чилиэннээх. 31- с сылын тэриллэн үлэлиир түмсүүнү бастаан Николай Егорович Петров, онтон Анатолий Иванович Кривошапкин, билигин Александр Джурович Данилов салайар.
edersaas.ru
Быйыл буолбут коференцияҕа «Оһуокай» түмсүүтүн чилиэттэрэ бары биир санаанан үрдүк итэҕэлинэн саҥа сэбиэт чилиэннэрин талбыттара:
1. Абрамова Ирина Васильевна (староста)
2. Черноградскай Семен Ильич
3. Николаева Марта Тимофеевна
4. Иванов Стас Александрович
5. Федоров Пантелеймон Федорович
6. Дьяконова Елизавета Васильевна
7. Тарскай Александр Лаврентьевич
8. Пестряков Данил Михайлович
9. Хорунов Валентин Васильевич
10. Барчахов Александр Васильевич
11. Оконешников Денис Викторович.
Бары билэргит курдук, кэнники сылларга «Оһуокай» түмсүү үлэтэ күүстээхтик бара турар. Ол курдук:
— Үҥкүү этээччилэр айар сойуустара тэриллиннэ.
— Улуустарга филиаллар аһылыннылар.
— Куорат пааркатыгар Оһуокай аллеята аһыллынна, Үтүөлээх, Дархан, Аар Дархан этээччилэрбит хаартысканнан портреттарыттан саха сирин инники сайдыытын өтө көрө олороллор.
— Хас өрөбүл ахсын Арчы дьиэтигэр, сайыҥҥы, күһүҥҥү өттүгэр пааркаҕа оһуокай тохтоло суох барар. Баҕалаах киһи ыллаан, оһуокайдаан да барар. Манна оһуокай чилиэттэрэ эрэ сылдьыбаттар, ким баҕалаах барыта сылдьар. Биһиги уопсастыбабыт аана мэлдьи өрүү аһаҕас. Кырдьаҕастыын, эдэрдиин ким баҕалаах барыта этэр. Саҥа этэн эрэҕин диэн хааччах суох. Улууска олорор биллиилээх этээччилэрбит куоракка кэллэхтэринэ биһигини быһа ааспаттар, кэлэн дуоһуйа этэн, киэҥ түһүлгэни төрүттээн бараллар.
Биһиги тэрилтэбитигэр аҕа саастаах этээччилэрбитин быһа гыммакка, көрдөһүү туруорсууларын өйөөн, Дьокуускай куорат баһылыга Сардаана Авксентьева, паарка директора Григорий Гурьев пааркаҕа Оһуокайбыт түһүлгэтин бетона эргэрэн, хас да сиргэ аһаҕастаммытын, хос оҥордулар. Дэхси гынан асфаллаабыттар.
Онон оһуокайдьыттар сүргэлэрэ улаханнык көтөҕүлүннэ. Аны сайын, күһүн үҥкүлүүрбүтүгэр бэртээхэй усулуобуйа оҥоһуллубутуттан үөрдүбүт. Сардаана Авксентьеваҕа махтанан туран, биһиги куорат үлэтиттэн туора турбаппытын биллэрэбит. Кыахпыт иһинэн куорат културнай тэрээһиннэригэр мэлдьи кыттарга бэлэммит, ыытар үлэтин биһириибит, өйүүбүт. Куорат сайдыытыгар «Оһуокай» уопсастыбата туора турбатын биллэрэбит.
Саха өрөспүүбүлүкэтин Ытык «Оһуокай» түмсүүтүн сэбиэтэ