Дьокуускай мээрэ Евгений Григорьев куорат 390 сааһын туолбут күнүгэр пааркаҕа Оһуохай скверигэр кэлэн, алгыстаах түһүлгэҕэ үҥкүүлэһэн, оһуохайга кэлбит дьону кытары көрүстэ.
Түһүлгэни Дархан этээччи Марта Николаева таһаарда. Куорат мээрэ Евгений Николаевич Оһуохай түмсүү салайааччытын солбуйааччы Александр Лаврентьевич Тарскайга СӨ культуратын туйгуна бэлиэни туттарда. Оһуохай түмсүү аатыттан Аар Дархан этээччибит Афанасий Егорович Алексеев Оһуохай дьиэтин туруоруста, бу уруккуттан куорат салалтатыгар туруорар боппуруос болҕомто кииниттэн түспэккэ турарын эттэ. Онуоха мээр бу олус уустук боппуруос эрээри, толкуйдуохпут диэтэ. Мээрдиин хаартыскаҕа түһүү буолла, үтүө алгыс этилиннэ.
Марта Николаева
+1
+1
+1
+1
+1
+1
+1