Оһуохай 35 сыллаах түһүлгэтэ

Ааптар: 
Бөлөххө киир:

Быйыл өрөспүүбүлүкэтээҕи оһуохай уопсастыбатын 35 сыллаах тэрээһинэ олус үчүгэйдик куорат пааркатыгар ыытылынна.

Оһуохай ыһыаҕар Аан Дархан этээччи, 95 саастаах Егор Осипов аал уоту аһатта. Оһуохай түмсүүнү үһүс төгүлүн быыбарданан талыллыбыт Александр Джурович Данилов салайар. Ыһыахха Намтан дэлэгээссийэни Дархан этээччи Валентин Хорунов салайан аҕалла. Маны сэргэ Мэҥэ Хаҥаластан, Алдантан, Сунтаартан кэлбиттэр. Элбэх киһилээх дэлэгээссийэни Валентин Васильевич салайан киллэрбитэ махталлаах.

Үбүлүөйдээх оһуохай күрэһэр быйыл үс этээччигэ Марта Николаеваҕа, Василий Игнатьевка, Виталий Никифоровка Александр Джурович Дархан бэлиэтин туттарда. Үбүлүөйдээх ыһыах биир уратытынан Дархан этээччилэр күрэстэрэ буолла. Аан Дархан этээччилэр сүбэлэрин быһаарыытынан, быйылгы Аан Дархан этээччи аатын Сэмэн Черноградскай ылла.
Ыһыахха кэлбит дьон бары ис миининэн уонна кымыһынан босхо айах тутан күндүлээбит Александр Джуровичка махтаннылар. Бу күн баҕалаах барыта дуоһуйа ыллаата, көҥүл оһуохайга түһүлгэ төрүттээтилэр.

Марта Николаева,

Дьокуускай

+1
0
+1
0
+1
0
+1
0
+1
0
+1
0
+1
0