Бу хомолтолоох быһылаан былырыын саас Дьокуускай куоракка буолбута. Оҕо өлүүлээх буолан, дьон аймаммыта.
СӨ Борокуратууратын пресс-сулууспата иһитиннэрбитинэн, бу дьыала суукка көрүллэн, бириигэбэр тахсыбыт. Суут быһаарбытынан, 2017 сыл муус устар ыйын саҥатыгар 23 саастаах дьахтар дьиэтигэр олорон, кырачаан уолчаана мас ыскаап дьааһыгын бэйэтигэр тардан эрэрин көрөн, оҕотун ыскааптан тэйиппит. Онуоха оҕото дьааһыгы эмиэ тардыалаһан киирэн барбытыгар, ходуногун күүскэ киэр анньыбыта, батарыайаҕа тиийэн иҥнибитигэр, уолчаана төбөтүнэн тиийэн түспүт. Оҕото эрэйдээх ол ылбыт эчэйиититтэн муус устар 21 күнүгэр балыыһаҕа тыына быстыбыт…
Эдэр ийэ буруйун толору билиммитинэн, холуобунай дьыалата суукка ураты бэрээдэгинэн көрүллүбүт.
Суут кинини сэрэҕэ суохтан өлүүгэ тиэрдиигэ буруйдааҕынан билинэн, 10 ыйга көҥүлүн быһары усулуобунайынан ааҕан, 1 сылга тургутар болдьоххо уурбут.
Биһиги корр., «Саха сирэ» хаһыат, edersaas.ru
Хаартыска: интэриниэттэн