Төрөппүттэр болҕомтолоох буолалларыгар уруккуттан биллэр быраабылалары санатыахпытын баҕарабыт: оҕо тас таҥаһыгар үтүлүгүн эрэһиинэлээн тигиҥ. Тымныйар, үлүйэр олус сэрэхтээҕин, онон тымныы күннэргэ сэрэхтээх буолуллуохтааҕын саната сылдьыҥ. Обургу оҕолор муоданы батыһан тымныыны учуоттаабакка таҥналлара, кулгаахтарын саппат бэргэһэни кэтэллэрэ сэрэхэдитэр.
Уулуссаҕа үтүлүгэ суох сылдьар оҕону көрдөххүтүнэ, аттынан ааһан хаалымаҥ, тохтоон ыйыталаһыҥ. Наада тириир буоллаҕына, быраас кэлиэн иннинээҕи бастакы көмөнү хайаан да оҥоруҥ. Үлүйүү уонна баас оспуттарын да иһин, үксүгэр баас онно тириигэ хаалыан сөп.
Үлүйүүгэ бастакы көмөнү оҥорууга сүрүн быраабылалар: үлүйбүт сирэйи, тарбахтары, муруну аалыллыа суохтаах. Ханнык да түгэҥҥэ хаарынан сотумаҥ. Ол оннугар кураанах, сылаас таҥаһы, үтүлүгү, саарпыгы ууруллар, түргэнник сылаас дьиэҕэ киириллэр уонна таһырдьа тахсыбакка, сылаас сиргэ хаалыллар.
Олус күүскэ үлүйбүккүтүн уорбалыы санаатаххытына, суһал көмөнү ыҥыра охсуллар.
Уулуссаҕа тахсыах иннинэ, бастатан туран, элбэх хаттыгастаах таҥастаах буолуохтааххыт. Элбэх хаттыгастан биирэ, төһө кыалларынан, натуральнай таҥастан тигиллибит буолуохтаах.
edersaas.ru