Бу күннэргэ Санкт-Петербург куоракка Арассыыйа үөрэнээччилэрин хамсааһынын (Российское движение школьников) чэрчитинэн оҕону иитии исписэлиистэрин IV сийиэһэ буола турар.
edersaas.ru
Манна Саха сириттэн биэс киһилээх дэлэгээссийэ кыттар. Кинилэр санаа атастаһар былаһааккаларынан сылдьан үлэлииллэр.
Тэрээһин туһунан өрөспүүбүлүкэтээҕи Оҕо хамсааһынын киинин дириэктэрэ Ньургуйаана Макарова кэпсиир:
— Дэлэгээссийэ састаабыгар биһиги кииммит методиһа Александр Васильев, Ханалас улууһунааҕы үөрэх салалтатын исписэлииһэ Галина Никифорова, Жатай оскуолатын дириэктэри иитэр үлэҕэ солбуйааччы Валентина Чипизубова уонна өрөспүүбүлүкэтээҕи Оҕо хамсааһынын киинин Оҕо сүбэтин бэрэссэдээтэлэ Алина Пшенникова бааллар.
Сийиэскэ Устаапка уларыйыылары, регионнааҕы Оҕо кииннэрин үлэтин тэрийии тула кэпсэтии буолла. Биһиги бу тэрээһин оҕону иитиигэ тирэх буолуо диэн эрэлбит улахан.
Сийиэс үлэтин кулун тутар 29 күнүгэр түмүктүөҕэ.
Елена ПОТОЦКАЯ, «Cаха сирэ» хаһыат, edersaas.ru
Хаартыска Ньургуйаана Макарова архыыбыттан.