Оҕолорго учууталлар батсаабынан «Дистанканикулу» тэрийдилэр

Ааптар: 
05.04.2020
Бөлөххө киир:

Коронавирус эпидиэмийэтигэр биллэриллибит уһун өрөбүл күннэргэ оҕолор иллэҥ кэмнэрин туһалаахтык уонна интэриэһинэйдик атаарыыларын  учууталлар  сатабыллаахтык  тэрийэллэр. 

edersaas.ru

Ол курдук, Орто Халыма Эбээх нэһилиэгин учууталлара батсаап ситиминэн «Дистанканикуллар» диэн бэртээхэй тэрээһини тэрийдилэр. Бу туһунан биһиги уопсастыбаннай кэрэспэдьиэммит Людмила Никитина бу курдук кэпсиир:

Кэрэхсэбиллээҕэ баар, оскуола учууталлара уһун өрөбүллэргэ дьиэҕэ олорор оҕолорго араас хайысхалаах бырайыактары оҕо интэриэһин тардар гына тэрийэллэр. Бу туһунан оскуола дириэктэрин иитэр үлэҕэ солбуйааччы Алена Гуляева кэпсээтэ.  Холобур, дьиэҕэ олорон эрэ оҕолор «Дистаканикулга» кыттан, «Омук тылын үөрэтии», «Бэтэрээннэргэ мааска тигиитэ», «Дьиэбитигэр ас астыыбыт»,

«Ыраас тиэргэн», «Айылҕа уонна мин» хаартыска күрэһэ курдук ыстаансыйаларынан  «айаннаатылар». Хайҕаллааҕа баар, учууталлар тэрийбит бырайыактарыгар төрөппүттэр эмиэ кыттыыны ыллылар. 

Бу маннык тэрээһин дьиэҕэ олорор оҕолор бары сатабылларыгар таба тайанан, иитии өттүгэр улахан оруоллааҕа чахчы. Сатабыллаах толкуйдаах учууталлар оҕо иллэҥ кэмин атаарарыгар социальнай ситимнэри таба туһаммыттарын киһи хайгыыр эрэ.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0