Коронавирус дьаҥыттан харыстанан дьиэҕэ олорор кэмҥэ, туһалааҕынан дьарыктанарга сүбэ-ама арааһа элбэх. Олортон биирдэстэрэ, «Сөптөөх хамсаныы доруобуйаҕа туһалаах» диэн видео-уруок буолар.
Бу видеонан уруогу Дьокуускай куорат 4 №-дээх оҕо спортивнай оскуолатын (ДЮСШ) чэпчэки атлетикаҕа ыстаарсай тириэньэр-преподавателэ Вера Контоева ыытар. Кини уруогун көрөн сэрээккэлээччилэр чэбдигирдибит диэн махтаналлар.
Вера Ивановна бу күннэргэ дьарыгы биһиги ааҕааччыларбытыгар уонна оҕолорго ыраахтан олорон тэрийдэ. Оттон бу сырыыга, видео сибээс көмөтүнэн, оҕолор сэргэхсийдинэр диэн, мэһэйдэрдээх дьарыкка тулуурдарын бэрэбиэркэлиир күрэхтэһиини ыытта. Спорду таптыыр оҕолор, биллэн турар, үөрэ-көтө кытыннылар.
—Ирдиир матырыйаалбыт судургу. Олоппостор уонна балтыһах эрэ наада, — диир кини.
Күрэхтэһии саастарынан араарыллан икки бөлөҕүнэн барбыт.
2008 сылга төрөөбүт уонна онтон улахан оҕолорго.
Уолаттарга: 1 м. — Слава Федоров. Бириэмэтэ 36.00, 75. 2 м. — Саша Гриц. Бириэмэтэ 13.14,85. 3 м. — Айаан Николаев. Бириэмэтэ 2.47,00.
Кыргыттарга: 1 м. — Самаана Васильева. Бириэмэтэ 8.12,31. 2 м. — Лера Олесова. Бириэмэтэ 1.55,22. 3 м. — Айта Туприна. Бириэмэтэ 1.07.89.
2009 сылтан кыраларга.
Уолаттарга: 1 м. — Тимур Федоров. Бириэмэтэ 1.33,85. 2 м. — Айастаан Ноговицын. Бириэмэтэ 28,15.
Кыргыттарга: 1 м. — Далаана Коротова. Бириэмэтэ 4.18,56. 2 м. — Александра Кардашевская. Бириэмэтэ 2.42,97. 3 м. — Аймира Ларионова. Бириэмэтэ 2.02,28.
Рекорду Слава Федоров олохтоото. Кини бэриллибит сорудаҕы 36 мүн.00, 75 сөк. устатыгар биирдэ да сыыспакка уонна тохтоло суох оҥордо.
Хаартыскалар уонна видео Вера Контоева тиксэриитэ.