Оҕолорго олоҥхо туһунан…
Олох-дьаһах

Оҕолорго олоҥхо туһунан…

Субу аҕай өрөспүүбүлүкэбитигэр Олоҥхо декадата ситиһиилээхтик ааста. Чуолаан маннык күннэргэ, олоҥхону үйэтитиигэ, пропагандалааһыҥҥа кимтэн да ыйдарбакка-этиппэккэ, сүрэхтэрин баҕаларынан үлэлиир дьон элбээбиттэр эбит ээ, диэн түмүккэ кэлэҕин.

Татьяна Маркова, «Саха сирэ», www.edersaas.ru

Холобур, бу хаартыскаҕа көрөргүт курдук, Мэҥэ — Хаҥаластан ааптар Федот Харитонов олоҥхо тиэмэтигэр бэйэтэ оҥорбут үлэтин билиһиннэрэр.

haritonov

— Нам олоҥхоһута Прокопий Ядрихинскай -Бэдьээлэ “Дьырыбына Дьырылыатта” олоҥхотун сюжетынан бу үлэни оҥордум. Каркаһа мас уонна пластигы, хортуону, кумааҕыны тутуннум. Олоҥхоһут бэйэтэ хайдах ойуулаабытынан – Үөһээ, Орто уонна Аллараа дойдулар көстөллөр. Ортотугар Аал Луук Мастаах. Оттон бу аан дойду былаахтара – биһиги сахалар олоҥхобут ЮНЕСКО шедеврэ буолан, араҥаччыланарын кэрэһилиир, — диир Федот Петрович.

Бу кээмэйинэн да, ыйааһынынан да дьоҕус оҥоһук тута сылдьарга табыгастаах. Дьоҥҥо-сэргэҕэ, оскуола, детсад оҕолоругар тиийэн, көрдөрө-көрдөрө кэпсээн, олоҥхо дириҥ философиятын быһаардахха, быдан тиийимтиэ, өйдөнүмтүө буолсу.

 

Татьяна Маркова.

Ааптар хаартыскаҕа түһэриитэ.

0
1

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

3 × пять =