Оҕолорбут биэс мэтээли аҕаллылар
· - Олох-дьаһах

Оҕолорбут биэс мэтээли аҕаллылар

Тохсунньу 7 күнүгэр саҕаламмыт норуоттар икки ардыларынааҕы Жаутыковскай олимпиада бэҕэһээ, тохсунньу 13 күнүгэр, түмүктэннэ.

Бу олимпиадаҕа араас дойду оскуолатын оҕолоро математика, информатика уонна физика билиитигэр күөн көрсөллөр. Манна хамаанданан арахсан уонна биирдиилээн эмиэ күрэхтэһэллэр. Ол курдук хамаандаҕа үс математик, икки физик, икки информатик киирэллэр. Быйылгы олимпиада пандемиянан сибээстээн, ыраахтан кыттыыны тэрийдэ. Урукку өттүгэр Алма-Атыга тиийэн 40-ча хамаанда барыта кыттар эбит буоллаҕына, быйыл Европа, Азия кэнтиниэннэриттэн 140-ча хамаанда кытынна. Бу туһунан Өрөспүбүлүкэтээҕи лиссиэй лириэктэрэ Иван Иванович Шамаев санаатын үллэһиннэ:

— Быйыл оҕолорбут дьоһун ситиһиилэннилэр. Ол курдук, биэс мэтээлгэ тиксэр чиэстэннибит. Физикаҕа Стас Новиков үрүҥ көмүс, математикаҕа Андрей Замятин уонна Айаал Соров иккиэн боруонса мэтээлгэ, информатикаҕа Никита Семенов уонна Тимур Зыков  боруонса мэтээл хаһаайыттара буоллулар. Олимпиадаҕа бэлэмнэниигэ хас биирдии биридимиэт учууталлара оҕолору дьаныһан күүскэ бэлэмнээбиттэрэ көһүннэ. В.Ф.Потапов, И.Г.Кысылбаиков, Н.Н.Павлов салайдылар. Онон оҕолорбутун улахан ситиһиилэринэн эҕэрлэлиибит!

Ульяна Захарова.

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

четыре × 2 =