Бүгүҥҥү брифинг кэмигэр оҕолор ыалдьаллара аҕыйаабатын уонна үксүгэр быһыыны ылбатах дьон ыалдьалларын бэлиэтээтилэр.
Уопсайа, ыарыыга хаптарбыт 50 оҕо бары мэдиссиинэ көрүүтүгэр сылдьар. Ону таһынан, быһыыны ылбатах дьон ыалдьалларын ыйдылар. Стационарга сытан 1051 киһи эмтэнэрин, итинтэн 985 киһи туруга ортоһуор, 93 киһи ыарахан туруктаах (91 киһи быһыыны ылбатах), 16 киһи реанимацияҕа сытар.
Алдан, Нерюнгри улуустарыгар элбэх киһи ыалдьыбытын өрөспүүбүлүкэтээҕи суһал ыстаап салайааччытын солбуйааччы Ольга Балабкина бүгүҥҥү брифиҥҥэ иһитиннэрдэ. “Өлүөхүмэ куоратыгар быһыыны ылааччы ахсаана балачча үрдүк эбит буоллаҕына, Саҥа дьылы дьон көмүскэллээх көрсөрүн курдук сэлиэнньэлэр баһылыктара үлэни күүһүрдэллэрэ ирдэнэр. Ол кыаллыбат түгэнигэр улуус суһал ыстааба туһааннаах миэрэлэри киллэриэн сөп”, — диэн бэлиэтээтэ.
Санатан эттэххэ, бүтэһик сууккаҕа Саха сиригэр 199 киһи ыарыйда.
Людмила ПОПОВА, “Саха сирэ” хаһыат, edersaas.ru
Хаартыска: https://www.dw.com/ru/indijskij-variant-koronavirus-uskolzajushhij-ot-antitel/a-57341709