Оҕолор уопсастыбаннай түмсүүлэрин салайааччыларыгар туһалаах тэрээһин ыытылынна

Ааптар: 
Бөлөххө киир:
Оҕолор уопсастыбаннай түмсүүлэрин салайааччылар квалификацияларын үрдэттилэр.
Бу үгэс курдук ыытыллар тэрээһин «Zoom» былаһааккаҕа барда. Тэрээһини «Юные якутяне» өрөспүүбүлүкэтээҕи ресурснай киин уонна СӨ оҕолор уопсастыбаннай холбоһуктарын сойууһа тэрийдилэр.
С.Н.Донской-II аатынан СӨ Үөрэҕи сайыннарар уонна квалификацияны үрдэтэр институт өйөөтө. Бу туһунан СИА «Юные якутяне» ресурснай киин пресс-сулууспата иһитиннэрдэ.
Бу сырыыга тэрийээччилэр сүрүн болҕомтону оҕолор хамаандаларын тэрийиигэ, оҕолор холбоһуктарыгар педагогическай кыаҕы арыйыыга, ыччат уонна оҕо бэйэтин дьоҕурун, сатабылын сайыннарарыгар эйгэни тэрийиигэ тутаах буоларынан, педагогическай дьоҕуру сайыннарыыга туһаайдылар.
Маны сэргэ, куурус иитинэн, оҕолор уопсастыбаннай холбоһуктарын каартатын оҥорон үөрэттилэр. Ол түмүгүнэн ыйытыктар, туох тиийбэтэ, туох итэҕэстэр бааллара быһаарылыннылар.
Куурустар түмүктэригэр, хас биирдии педагог бэйэтин таһымын, үлэ ис хоһоонун анаалыстаата уонна бэйэтигэр сөп түбэһэр ньыманы, үлэни салгыы сайыннарарга, кэҥэтэргэ стратегияны талла.
Кууруһу салайар, СӨ оҕолор уопсастыбаннай түмсүүлэрин бэрэссэдээтэлэ, «Юные якутяне» өрөспүүбүлүкэтээҕи ресурснай киин сотруднига Геннадий Охлопков бэлиэтииринэн, куурустарыы тэрийии — бу сатабылга үөрэтии эрэ буолбатах. Бу СӨ оҕолор хамсааһыннарыгар саҥа үлэлэһэ киирбит педагог-тэрийээччигэ эбэтэр ыстаарсай баһаатайга истиҥ эйгэни тэрийии буолар.
«Биһиги кэллиэгэлэрбит үөрэ-көтө үлэлииллэрин туһугар кыһамньыбытын уурабыт. Кинилэр киэн тутталларын, үлэҕэ үөрүйэхтээх доҕотторуттан өйөбүл, тирэх баарын билэллэрин курдук оҥорорго дьулуһабыт. Ол иһин, оҕолор уопсастыбаннай түмсүүлэрин салайааччыларын үлэлэригэр көдьүүстээх, туһалаах буоллун диэн, үөрэтэр бырагыраама иитинэн үксүн практическай матырыйааллары тэрийэ сатыыбыт», — диир Геннадий Охлопков.
Кууруска 21 оройуонтан уонна куорат уокуругуттан барыта 94 педагог кыттыбыт. Маннык тэрээһиҥҥэ наадыйыы улаханынан, сэтинньигэ эмиэ оҥорор буолбуттар. Онно «Развитие потенциала детских общественных объединений в рамках реализации школьной программы воспитания» тиэмэҕэ болҕомто ууруллуо диэн этиллэр.
+1
0
+1
0
+1
0
+1
0
+1
0
+1
0
+1
0