Уопсастыба

Туундараҕа — оҕо саада

Өлөөҥҥө үһүс ыстаада табаһыттарын оҕолоро бөһүөлэктэн туундараҕа сайылыы таҕыстылар.

Эдьиийдээх быраат үөрэ-көтө көрүстүлэр

Бөртөлүөтүнэн астаах-үөллээх, маллаах-саллаах, үөрэнэр тээбириннэрин кыбынан, дьонноругар кэһиилээх, өссө ыт оҕолоох  тиийэннэр, чуумпуран турбут ыстаада соҕотохто оҕо-аймах саҥатынан  туола, сэргэхсийэ түспүт. Бу туһунан биһиэхэ «Кэнчээри» оҕо саадын  сэбиэдиссэйэ Алла Петрова иһитиннэрдэ:

—Былырыын манна Харыйалаах табаһыттарын оскуолаҕа киириэн иннинээҕи саастаах оҕолоругар, көс оскуолатыгар оҕо саадын бөлөҕө арыллыбыта. Манна сайын Өлөөнтөн оҕолор эмиэ кэлэллэр. Уопсайа онуолар. Кырачааннары Майя  Семеновна Алексеева дьарыктыыр. Оттон  көс оскуолатыгар күһүн атын ыстаадаттан  үөрэнээччилэр кэлэллэр. Кинилэри Харыйалаах орто оскуолатын учуутала Клара Васильевна Кириллова үөрэтэр.

Хаартыскалар Алла Петрова тиксэриилэрэ

0
0
Telegram @edersaas20

Добавить комментарий