Бүтэһик кэмҥэ интэриниэккэ хара санаалаах дьонтон оҕолор сиэртибэ буолаллара элбээтэ.
Виртуальнай кэпсэтии элбэх кутталы үөскэтэр — груминг, киберпреследование, кибербуллинг уо д.а.
Мантан саамай кутталлааҕа — груминг. Оҕону кытта доҕордоһуу, ол кэнниттэн көрсөн кэпсэтии, сантаастааһын буолар. Маннык билсиһиилэр социальнай ситимнэртэн саҕаланаллар.
Оҕону кытта биир саастаах буолан билсэллэр, оҕо кинилэргэ итэҕэйэн бэйэтин туһунан кэпсээн биэрэр, аадырыһын, төлөпүөнүн нүөмэрин этиэн сөп. Бу кэнниттэн көрсө сатааһыннар саҕаланыахтарын сөп.
Сороҕор маннык дьон оҕоттон хаартыскалары көрдөөн ылан сантаастыыллара даҕаны баар суол.
Ис дьыала министиэристибэтэ: «Убаастабыллаах төрөппүттэр! Оҕону кытта доҕордуу сыһыаны олохтооҥ. Оҕоҕо быһаарыҥ, өскөтүн кини оннук түгэҥҥэ түбэспит буоллаҕына тутатына төрөппүккэ этиэн наада. Көмүскэллээх буоларын билиэхтээх. Интэриниэт ситимин сөптөөхтүк туһанарын үөрэтиҥ. Туох эмит буолар түгэнигэр миэхэ этиэ диэн эрэллээх буолуҥ», — диэн сэрэтэр.
«Инстаграмҥа» бу сирэйгэ сурутуҥ, манна элбэх туhалаах уонна наадалаах сүбэлэр бааллар.
Бэйэҕин уонна чугас дьоҥҥун харыстаа.
YouTube ханаал: «Защита информации Якутии»