Статистика көрдөрөрүнэн, атырдьах ыйыгар уонна балаҕан ыйыгар оҕолор кыттыылаах суол быһылаана элбиир эбит. Бу кэмҥэ оҕолор айан-сырыы сириттэн тэйэн, сайыҥҥы сынньалаҥтан кэлэллэр. Онон атырдьах ыйын 15 күнүттэн балаҕан ыйын 15 күнүгэр диэри «Болҕойуҥ — оҕолор!» диэн сэрэтэр сыаллаах өрөспүүбүлүкэтээҕи тэрээһин иккис түһүмэҕэ ыытыллар.
Бу кэмҥэ үөрэх тэрилтэлэрин таһыгар ДПС эбии нэрээттэрэ туран, үөрэнээччилэр суолу туорууулларыгар көмөлөһөллөр, суоппардар бу сирдэринэн сэрэхтээхтик айанныылларын көрөллөр-истэллэр. Итиэннэ полиция үлэһиттэрэ суолга сэрэхтээх буолуу туһунан кэпсэтиилэри оскуолаларга ыытыахтара.
Госавтоинспекция төрөппүттэргэ анаан маны учуоттуурга ыҥырар:
- Оҕону дьиэтиттэн оскуолаҕа диэри куттала суохтук сылдьарыгар анаан сылдьар сирин схематын оҥоруҥ, үөрэтиҥ;
- онон сылдьа үөрэнэригэр бастаан утаа атаарыҥ, быһаарыҥ;
- схемаҕа баар светофордары, суолу туоруур сирдэри быһаарыҥ, чуолкайдааҥ;
- суол бэлиэлэриҥ үөрэтиҥ;
- хараҥа кэмҥэ сылдьар сэрэхтээҕинэн, оҕо таҥаһыгар сырдатар бэлиэ баар буолуохтааҕыҥ хааччыйыҥ.
Оҕону бэйэҕит массыынаҕытынан таһар буоллаххытына, массыынаҕытыгар оҕо кириэһилэтин, курун туһаныҥ.