Оҕолор Холбоһуктаах нациялар тэрилтэлэрин дэлэгээттэрин оруолларын толоруохтара

Ааптар: 
Бөлөххө киир:

Кулун тутар 1-2 күннэригэр өрөспүүбүлүкэ оскуолаларын үөрэнээччилэригэр “Юные якутяне” ресурснай киин “Холбоһуктаах нациялар тэрилтэлэрин оскуолатааҕы модела” диэн интеллектуальнай оонньууну тэрийэн ыытар.

Бу туһунан педагогическай наука кандидата, “Юные якутяне” оҕо хамсааһынын уонна оҕону гражданскай патриотическай иитии өрөспүүбүлүкэтээҕи ресурснай киинин педагога  Валентина Николаева  маннык иһитиннэрдэ:

— Икки омук тылынан (нууччалыы уонна английскайдыы) 6-11 кылаас үөрэнээччилэрэ араас дойду дэлэгээттэрин оруолларыгар киирэн, Холбоһуктаах нациялар тэрилтэлэрэ сыстыганнаах дьаҥ кэмигэр дьон үлэҕэ бырааптарын куйаар ситиминэн ыытыллар дьыалабыай оонньууга ырытыахтара.

Онон өрөспүүбүлүкэ оскуолаларын үөрэнээччилэрин бу маннык интэриэһинэй тэрээһиҥҥэ кытталларыгар ыҥырабыт. Кыттыан баҕалаахтар 89644272826 нүөмэргэ билсиҥ. Сүбэ-ама биэриэхпит.

Елена ПОТОЦКАЯ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0