Оҕолор хабылыкка, хаамыскаҕа күрэхтэстилэр

Ааптар: 
Бөлөххө киир:

Саха АССР 100 сылынан хабылыкка уонна хаамыскаҕа күрэхтэһии буолла.

А.Е.Кулаковскай аатынан норуоттар доҕордоһууларын дьиэтэ, А.Г. уонна Н.К.Чиряевтар ааттарынан национальнай гимназия, Манчаары аатынан успуорт национальнай көрүҥнэригэр киин Дьокуускай куорат оскуолаларын ортотугар хабылыкка уонна хаамыскаҕа бастыыр иһин күрэхтэһиини тэрийдилэр.

Норуоттар доҕордоһууларын дьиэтигэр тэриллибит күрэхтэһии түһүлгэтигэр уон биэс оскуолаттан алын сүһүөх кылааска үөрэнэр 81 оҕо күөн көрүстэ, илин-кэлин түһүстэ.

Күүрээннээх күрэхтэһии түмүгүнэн 1 миэстэни национальнай гимназия хамаандата ылан үөрүү-көтүү өрөгөйө буолла. Иккис бириистээх миэстэҕэ Саха гимназия үөрэнээччилэрэ таҕыстылар. Үһүс миэстэни Айыы Кыһатын уонна 5 №-дээх оскуола спортсменнара ыланнар үөрдүлэр.

Оҕолор, учууталлар уонна төрөппүттэр күрэхтэһииттэн улаханнык астыннылар. Маннык тэрээһин оҕолору доҕордоһуннарарын, түмсүүлээх оҥорорун, бу остуол оонньуулара түргэнник толкуйдуурга, хамсанарга үөрэтэллэрин бэлиэтээн туран, тиһиктээхтик салҕанарыгар баҕардылар.

Хаартыскалар А.Е.Кулаковскай аатынан норуоттар доҕордоһууларын дьиэтин пресс-сулууспатын тиксэриилэрэ

+1
0
+1
0
+1
0
+1
0
+1
0
+1
0
+1
0