Дьокуускай куорат уонна куорат таһынааҕы оскуолалар алын сүһүөх кылааһын үөрэнээччилэрэ хабылыкка уонна хаамыскаҕа күрэхтэһиэхтэрэ.
Тэрээһин Саха АССР 100 сылыгар, Дьокуускай куорат 390 сылыгар, Саха сиригэр ийэ сылыгар ананар. Оҕолорго күрэхтэһиини Манчаары Баhылай аатынан успуорт национальнай көрүҥнэригэр киин спортивнай эрэллэри бэлэмниир салаата, Өксөкүлээх Өлөксөй аатынан норуоттар доҕордоһууларын дьиэтэ, А.Г. уонна Н.К.Чиряевтар ааттарынан Дьокуускай куораттааҕы национальнай гимназия алын сүhүѳх кылаастарын учууталлара тэрийэн ыыталлар. Күрэхтэһии муус устар 29 күнүгэр Өксөкүлээх Өлөксөй аатынан норуоттар доҕордоһууларын дьиэтин мраморнай саалатыгар ыытыллар.
Хабылык, хаамыска болҕомтолоох, түргэнник толкуйдуур, сымса, бэргэн буоларга үөрэтэрин тэрийээччилэр бэлиэтииллэр.