СӨ Ил Дархана Айсен Николаев Дьокуускайга оҕо балыыһатыгар доруобуйаны көннөрүүгэ уонна чөлүгэр түһэриигэ үлэлэһэр отделениеҕа, ону сэргэ доруобуйаларыгар хааччахтаах оҕолору чөлүгэр түһэриигэ, чэбдигирдиигэ үлэлэһэр өрөспүүбүлүкэтээҕи кииҥҥэ сырытта.
Дьокуускай куораттааҕы оҕо балыыһатын кылаабынай бырааһын эбээһинэһин толорооччу Мария Говорова отделение үлэтин билиһиннэрдэ. Кини тэрилтэ 50 куойкалаах хонугу эргиччи үлэлиир стационардааҕын уонна 60 куойкаҕа күнүскү стационардааҕын кэпсээтэ, материальнай-тэхиньиичэскэй бааза эргэрбитин бэлиэтээтэ.
Айсен Николаев, маны таһынан, 2013 сылтан үлэлиир доруобуйаларыгар хааччахтаах оҕолору чөлүгэр түһэриигэ, чэбдигирдэргэ үлэлэһэр өрөспүүбүлүкэтээҕи кииҥҥэ сырытта. Тэрилтэ түөрт отделениелаах. Социальнай-мэдиссиинискэй реабилитация, социальнай-психологическай уонна педагогическай реабилитация уонна абилитация, ресурсный киин бааллар.
СӨ Үлэҕэ уонна социальнай сайдыыга министиэристибэ иһитиннэрбитинэн, өрөспүүбүлүкэҕэ түөрт маннык хайысханан үлэлиир кииҥҥэ, сыл ахсын 3-3,5 тыһ. инбэлиит оҕо социальнай чөлүгэр түһэрии, чэбдигирии көмөтүн ылар. Бу наадыйар кыһалҕалаахтартан 53 бырыһыана. Оттон сыл ахсын итинник чөлүгэр түһэриигэ, чэбдигириигэ 89,9% оҕо наадыйар. Быйыл, сыл саҕаланыаҕыттан, социальнай чөлүгэр түһэриини, чэбдигириини 2,4 тыһ. тахса инбэлиит оҕо ааспыт. Итинтэн улахан аҥаара өрөспүүбүлүкэтээҕи реабилитационнай кииҥҥэ.
Ил Дархан социальнай хайысхаҕа оҕолор, ыччаттар доруобуйаларын чөлүгэр түһэриигэ өҥөнү оҥоруу хаачыстыбатын хааччыйарга бырабыыталстыба социальнай блогар өссө да элбэх сыал-сорук турарын иһитиннэрдэ. Ордук коронавирус кэнниттэн чөлгө түһүүгэ буоларын ыйда. Кини манна СӨ Доруобуйа харыстабылын уонна СӨ Үлэҕэ, социальнай сайдыыга министиэристибэлэрин кытта бииргэ үлэлээһин суолтатын бэлиэтээтэ.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаларга түһэриитэ
+1
+1
+1
+1
+1
+1
+1