Мэҥэ Хаҥалас улууһун Хара нэһилиэгэр оҕолор умайан эрэр чааһынай дьиэни умуруорбуттарын туһунан РФ Ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрдэ.
edersaas.ru
Ол курдук ааспыт ыйга, атырдьах ыйын 28 күнүгэр, Хара нэһилиэгэр чааһынай дьиэҕэ баһаар туран, уокка былдьана сыспыт. Бу кэмҥэ дьиэ аттынан ааһан иһэр оҕолор, умайан эрэр дьиэни бэлиэтии көрбүттэр.
«Дьиэ таһынан ааһан иһэн буруону көрбүппүт. Бастаан шашлыктыы сылдьаллар дии санаабыппыт. Чугаһаан көрбүппүт, баһаар эбит. Тута дьиэҕэ сүүрэн тиийэн көмөлөһөн барбыппыт. Дьиэлээх киһи биһиэхэ биэдэрэ биэрбитигэр буочукаттан уу таспыппыт», — диэн көмөлөспүт оҕолортон биирдэрэ Владимир Сидоров кэпсээтэ.
Оҕолор Хара орто оскуолатын уонна Дьокуускай куораттааҕы 2-с №-дээх оскуола үөрэнээччилэрэ: Степан Андреев, Игорь Гаврильев, Эрсан Никифоров, Игорь Неустроев, Аина Цыпандина уонна Владимир Сидоров.
ЫБММ пресс-сулууспата
+1
+1
+1
+1
+1
+1
+1