“Оҕолор атын сиргэ барбакка, бэйэлэрин оскуолаларыгар сыанаҕа үҥкүүлүү үөрэнэллэрэ үөрдэр»

Дьокуускай куоракка икки сыл иһигэр аныгы тутуулаах, тупсаҕай көрүҥээх култуура, үөрэх тэрилтэлэрэ элбээтилэр.  Бу барыта 2015 сыллаахха өрөспүүбүлүкэ салалтата уонна “ВИС” хампаанньа сөбүлэһии түһэрсиилэрин түмүгэ буолар.

edersaas.ru

Биир маннык тутуунан Дьокуускай куорат 203 микрооройуонугар турар Оҕо ускуустубатын 2 №-дээх оскуолата буолар.

Бу оскуолаҕа 5-с кылаас үөрэнээччитэ Айталина Федотова үҥкүү кылааһыгар дьарыктанар:

—Оскуолабыт ырааһа, киэҥэ наһаа үчүгэй. Биһиги, оҕолор, хара маҥнайгыттан дьиэбитин харыстыырга кыһаллабыт. Атахпыт таҥаһын уларыттабыт. Үҥкүүбэр үөрүүнэн, көтө-дайа кэлэбин. 

Айталина ийэтэ Варя Федотова :

—Ускуустуба оскуолата саҥа дьиэлэммитэ наһаа үчүгэй. Төрөппүттэр олус үөрэбит. Киэҥин-куоҥун таһынан, туспа сыаналаахтара үчүгэй эбит. Оҕолор атын сиргэ барбакка, бэйэлэрин оскуолаларыгар сыанаҕа үҥкүүлүү үөрэнэллэр. Үлэ үөһүгэр сылдьан, оҕону кэмигэр ылбакка хааллахха, кыыһым саҥа бибилэтиэкэҕэ тахсан кэтэһэр. Кэллэхпинэ, арыт, кинигэлэргэ умсугуйан, барымаары да гынааччы.