Уопсастыба

Оҕолоох ыалга өссө биир чэпчэтии

РФ Бырабыыталыстыбатын Бэрэссэдээтэлэ Михаил Мишустин РФ Бырабыыталыстыбата Дьиэ кэргэнинэн  ыраах айан суолларыгар пуойаһынан айанныырга  чэпчэтиилээх тарифтары субсидиялыыр туһунан 2021 с бэс ыйын 9 күнүнээҕи  875 №- дээх уураахха илии баттаата.

Маннык быһаарыы Россия иһинээҕи туризмы өйүүр уонна сайыннарар хайысхалаах ыытылларын туһунан РФ Бырабыыталыстыбатын саайта иһитиннэрэр.

Оҕолоох дьиэ кэргэттэр Россия иһинэн ыраах айаҥҥа пуойас сырыытыгар чэпчэтиллибит сыананан айан билиэтин атыылаһыахтара. Чэпчэтиилээх билиэт көннөрү билиэттэн араастаһыытын судаарыстыба уйунуоҕа.  Саҥа субсидия бэриллэр бэрээдэгин туһунан уураахха премьер-миниистир Михаил Мишустин илии баттаата.

Чэпчэтиллибит сыананан пуойас купелаах вагоннарыгар айанныахха сөп. Чэпчэтиинэн 18 саастарыгар диэри саастаах биир уонна онтон элбэх оҕолоох дьиэ кэргэн туһаныахтара.  Чэпчэтиилээх тариф анал формуланан ааҕыллыа.

Билиэти атыылаһыыга айаҥҥа хааччахтааһын суох, ханнык баҕарар хайысхаҕа айанныахха  сөп. Саҥа бырагыраама тэрээһиннээх туурдарга эмиэ үлэлиэҕэ.

2021 сылга чэпчэтиилээх тарифтары субсидиялыырга федеральнай бюджекка 1,3 млрд солк. тахса үп номнуо көрүллүбүт.

Үлэ «Транспорт систиэмэтин сайыннарыы» судаарыстыбаннай бырагыраама чэрчитинэн барар.

 

edersaas.ru

3
0