«Култуура» национальнай бырайыак чэрчитинэн 2021 сылга Оҕо ускуустубатын тоҕус оскуолата музыкальнай үстүрүмүөнүн, үөрэнэр матырыйаалын, о.д.а. араас тэрилин саҥардыаҕа.
Манна анаан 47,8 мөл. солк. тахса үп көрүллүбүт. «2019 сыллаахха, «Култуура» национальнай бырайыак саҥа саҕаламмытыгар, Саха сирэ элбэх музыкальнай инструмены тиэрдиини тэрийиигэ үчүгэй, сатабыллаах үлэлээҕин көрдөрбүтэ. Логистикаҕа да, хааччыйааччылары да кытары улахан үлэ ыытыллыбыта. Барыта кэмигэр тиэрдиллибитэ«, — диэн СӨ Култуура уонна духуобунай сайдыы миниистирэ Юрий Куприянов сырдатта.
2021 сылга оҕо ускуустабытын оскуолаларын саҥа тэрилинэн хааччыйарга анаан федеральнайтан — 43,9 мөл.солк., уонна өрөспүүбүлүкэ бүддьүөтүттэн кыттыгас үбүлээһининэн 3,8 мөл.солк. көрүллүбүт. Онон оҕо ускуустубатын тоҕус оскуолата, итинтэн иккитэ арктическай оскуола саҥа тэриллэниэхтэрэ. Манна эбэн эттэххэ, 2023 сылга былааҥҥа аҕыс оскуола уонна биир училище баар.
Оҕолору үөрэтэргэ саҥа тэриллэри, үстүрүмүөннэри уонна үөрэнэр матырыйааллары ыларга Үөһээ Халыма уонна Баатаҕай оройуоннарыгар оҕо ускуустубатын оскуолалара бааллар. Маны сэргэ, Мииринэй, Жатай, Аммаҕа А.А.Черемных аатынан, Үөһээ Бүлүүгэ Н.И.Бойлохов аатынан оҕо ускуустубатын оскуолалара, Горнай улууһугар Бэрдьигэстээххэ, Хаҥалас улууһугар Покровскайга, Тааттаҕа Ф.С.Аргунов аатынан оҕо ускуустубатын оскуолалара бааллар. Бу боппуруос өрөспүүбүлүкэтээҕи хамыыһыйанан, РФ Култуура министиэристибэтин сөбүлэҥинэн быһаарыллар. «Култуура» национальнай бырайыагы олоххо киллэрии 2019 сыл тохсунньу 1 күнүттэн саҕаламмыта.
СӨ Култуура уонна духуобунай сайдыы министиэристибэтин пресс-сулууспата
СИА хаартыската
+1
+1
+1
+1
+1
+1
+1