«Оҕо сааһым оонньуурдара» куйаар ситиминэн быыстапкаҕа кыттыҥ

Ааптар: 
Бөлөххө киир:

«Оҕо сааһым оонньуурдара» диэн куйаар ситиминэн бэртээхэй быыстапка тэриллэр. Бу туһунан А.Е.Кулаковскай аатынан норуоттар доҕордоһууларын пресс-сулууспатыттан иһитиннэрэллэр.

—Норуоттар икки ардыларынааҕы бырааһынньык — Оҕо көмүскэлин күнэ чугаһаата. Бу күнү бэлиэтиир туһунан боппуруос, 1949 сыллаахха сэтинньи ыйга, Парижка дьахталлар норуоттар икки ардыларынааҕы демократическай федерацияларын кэнгириэһигэр көрүллүбүтэ. Оттон Оҕо көмүскэлин күнэ аан бастаан 1950 сыллаахха тэриллибитэ. Онтон ылата, бу күн киэҥ далааһыннаахтык ыытыллар. Ол иһигэр, биһиги Сахабыт сиригэр эмиэ.

А.Е.Кулаковскай аатынан норуоттар доҕордоһууларын дьиэтэ «Оҕо сааһым оонньуурдара» виртуальнай быыстапканы тэрийэр. Бу тэрээһин  үүнэр көлүөнэ  дойдутун таптыы улаатарыгар, дьиэ кэргэнин үтүө  үгэһин билэригэр уонна сэргээн-сэҥээрэн салгыырыгар сыалы-соругу туруорар.  Итиэннэ өрөспүүбүлүкэ кэллиэксийэньиэрдэрин быыстапкаҕа кыттарга ыҥыраллар.

1990-с сылларга диэри оҥоһуллубут оонньуурдардаргытын хаартыскаҕа  түһэрэн ыытаргытыгар көрдөһөллөр.

Хаартыскаларгытын aynapavlova1982@mail.ru  эбэтэр 89245958231 батсаапка ыытаҕыт. Ыйытыылаахтар 89245958231 эрийэн сиһилии хоруйдары ылаҕыт. 

 Былыыр-былыргыттан оонньуур оҕолорго үөрүүнү-көтүүнү, көрү-нары аҕалар. Оҕо сылдьан таптаабыт, сөбүлээбит оонньууруҥ киһиэхэ сааһын тухары өйгө-санааҕа иҥэр, дьоллоох кэми санатар.

А.Е.Кулаковскай аатынан норуоттар доҕордоһууларын дьиэтин

пресс-сулууспатын суруйуутуттан бэчээккэ Сардаана Баснаева бэлэмнээтэ

Хаартыска:  А.Е.Кулаковскай аатынан норуоттар доҕордоһууларын дьиэтин пресс-сулууспатыттан

 

+1
0
+1
0
+1
0
+1
0
+1
0
+1
0
+1
0