Оҕону эмиий үүтүнэн аһатыы уонна доруобай аһылык нэдиэлэтигэр, үгэс курдук, өрөспүүбүлүкэ кэккэ балыыһата «Оҕоҕо үтүө санаалаах балыыһалар» диэн аан дойдутааҕы ааты ыларга аттестацияны ааһар.
edersaas.ru
Бу үрдүк ааты Доруобуйа харыстабылын бүтүн аан дойдутааҕы тэрилтэтэ уонна ЮНИСЕФ оҕо фондата бигэргэппитэ.
Маннык аат Саха сиригэр 2012 сылтан номнуо 3 балыыһаҕа (Дьокуускай куораттааҕы клиническэй балыыһаҕа, Дьокуускай к. Медицинаҕа киинигэр уонна Хаҥалас улууһун Киин балыыһатыгар) иҥэриллибитэ.
Оттон быйыл, РНА СС Наукаҕа киинин пресс-киинэ иһитиннэрбитинэн, аттестацияны Медицина национальнай киинэ уонна Амма улууһун Киин балыыһата кытталлара былааннанар. Бу балыыһаларга ийэ уонна оҕо харыстабылыгар, ол иһигэр доруобай аһылыгы хааччыйарга, кыах баарынан усулуобуйа оҥоһуллар.
Алтынньы 23-27 күннэригэр ыытыллар аттестацияны медицина наукатын доктора, «Оҕоҕо үтүө санаалаах балыыһа» анал ааты Арассыыйаҕа национальнай сүрүннээччи Любовь Викторовна Абольян салайыаҕа.
Балыыһаларбытыгар ситиһиини баҕарыаҕыҥ.
Надежда ЕГОРОВА, «Саха сирэ» хаһыат, edersaas.ru