Арассыыйа бэрэсидьиэнэ Владимир Путин бастакы, иккис оҕоҕо 3 сааһын туолуор диэри ыйдааҕы төлөбүрү биэрэри 2021 сыл кулун тутар 1 күнүгэр диэри сайабылыанньата суох уһатар туһунан сокуоҥҥа илии баттаата.
edersaas.ru
2020 сыл муус устар ыйыттан пандемия кэмигэр көмө курдук оҕо 3 сааһыгар диэри 5000 солкуобай төлөнөр буолбута. Бу сыл алтынньы 1 күнүгэр диэри сайабылыанньата суох бэриллэр усулуобуйа олохтоммута.
Алтынньы 2 күнүттэн нуорма уларыйан, сайабылыанньаны биэрдэххэ эрэ, бу төлөбүр төлөнөр буолбута. Ол эрээри Путин илии баттаабытын кэнниттэн, 2021 сыл кулун тутар ыйыгар диэри сайабылыанньата да суох салгыы ылыахха сөп буолла. Ол эбэтэр, саҥаттан сайабылыанньа суруйар ирдэммэт.
Билигин коронавируснай инфекция тарҕаныытын тохтотор, хантаактары аҕыйатар туһуттан, маннык көҕүлээһиннэри киллэрдилэр.
Ыам ыйын 11 күнүттэн кыра уларыйыы киирбитэ — 3 сааһын туола илик оҕолоох бары ыаллар ылар бырааптаахтар.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1