«Оҕоҕо кинигэтэ бэлэхтээ» аахсыйа саҕаланна

Ааптар: 
Бөлөххө киир:

Маннык туһалаах аахсыйа төрөппүттэр аһаҕас мунньахтарыгар саҕаланна.

Үөрэх үлэһиттэрин тохсунньутааҕы сүбэ мунньахтарыгар, төрөппүттэр өрөспүүбүлүкэтээҕи аһаҕас  мунньахтарын тиэмэтинэн «Семейное чтение в новой цифровой реальности» буолла. Бу туһунан СӨ Үөрэх уонна наука министиэристибэтин пресс-сулууспата иһитиннэрдэ.
Тэрээһин саҕаланыытыгар Үөрэх миниистирэ Ирина Любимова «Оҕоҕо кинигэтэ бэлэхтээ» аахсыйа саҕаламмытын иһитиннэрдэ. Кини Горнай улууһугар Дьиикимдэҕэ олорор элбэх оҕолоох Татьяна уонна Николай Петровтар дьиэ кэргэттэригэр оҕо остуоруйаларын кэмпилиэгин бэлэхтээтэ. Аахсыйа салҕанар.
Тохсунньу 27 күнүгэр, төрөппүтэр мунньахтарыгар, 500 киһи — төрөппүттэр, педагогтар уонна ситэриилээх былаас уорганнара, олохтоох бэйэни салайыныы уонна уопсастыбаннай организациялар бэрэстэбиитэллэрэ кытыннылар. Тэрээһин сүрүн сыала — ааҕыыга тапталы үөскэтии, өйү-санааны, дириҥ билиини-көрүүнү иҥэрии, олохсутуу буолар. Тэрээһини төрөппүттэр өрөспүүбүлүкэтээҕи түмсүүлэрин бэрэссэдээтэлэ Семен Иванов иилээн-саҕалаан ыытта.
Оскуола уонна өрөспүүбүлүкэ бибилэтиэкэлэрин, оҕоҕо аналлаах бэчээт эйгэтин, үөрэх тэрилтэлэрин, дьиэ кэргэттэр үөрүйэхтэригэр олоҕуран, дьиэ кэргэҥҥэ иитии бырайыактара көрдөрүлүннүлэр. Педагогтар уонна уопсастыбаннас бэрэстэбиитэллэрэ оҕону уонна ыччаты ааҕыыга сыһыарыыларын, кыттыһыннарыыларын туһунан интэриэһинэй бырайыактарын билиһиннэрдилэр. Мунньах кыттыылаахтара санааларын үллэстэн баран, «Особенности чтения в новой реальности», «Электронные коллекции по детской литературе в контенте Электронной библиотеки НБ РС(Я)», «Чтение на родном языке: медиамикс форматы современной детской периодики», «Индивидуальное сопровождение ребёнка в пространстве сказки» бырайыактар тустарынан иһитиннэриилэри төрөппүттэр мунньахтарыгар тарҕатарга быһаардылар. «Саха АССР 100 сылыгар — 100 кинигэ» диэн Ытык Күөл орто оскуолатын бырайыага өрөспүүбүлүкэ таһымыгар олоххо киллэриллиэ.
Өрөспүүбүлүкэтээҕи түмсүү төрөппүттэри СӨ Национальнай бибилэтиэкэтин электроннай бибилэтиэкэтигэр суруйтаралларыгар, ааҕарга ыраахтан олорон киирэр кыахтаналларыгар, педагогтаргы ааҕааччы ахсаанын элбэтэргэ үлэлэһэллэригэр, кыра оҕолорго төрөөбүт тылынан ааҕарга дьарыктары ыыталларыгар сүбэлээтэ.
+1
0
+1
0
+1
0
+1
0
+1
0
+1
0
+1
0