Оҕоҕо арыгы атыылаан сууттанна

Ааптар: 
Бөлөххө киир:

Нерюнгри куоракка сокуоннай сааһын ситэ илик оҕоҕо итирдэр утаҕы атыылаабыт дьахтарга суут бириигэбэрэ таҕыста.

edersaas.ru


Суут быһаарбытынан, Нерюнгри куорат биир маҕаһыыныгар урут оскуола оҕотугар арыгы атыылаан, административнай эппиэккэ тардылла сылдьыбыт атыылааччы дьахтар иккистээн эмиэ атыылаабыт.
Инньэ гынан, бу сырыыга административнай буолбакка, холуобунай дьыала тэриллибит. Онуоха дьахтар «оҥорбуппун сүрдээҕин кэмсинэбин» диэн суукка хадатаайыстыба түһэрбит. Дьыалабын сабыҥ диэн. Суут ону өйөөбөтөх, аккаастаабыт.
Ол түмүгэр, суут кинини РФ Холуобунай кодексатын 151.1-с ыстатыйатынан буруйдааҕынан билинэн, 50 тыһ. солк. сууммалаах ыстараап төлүүргэ уурбут.
Бириигэбэр сокуоннай күүһүгэр киирэ илик.
Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0