Оҕо көмүскэлин күнүнэн миниистир эҕэрдэлиир

Ааптар: 
Бөлөххө киир:

Күндү оҕолор, төрөппүттэр!

Хаһан эрэ бары оҕо буола сылдьыбыппыт. Олохпут саамай дьэрэкээн өйдөбүлэ оҕо сааһы кытта ситимнээх. Альбоммутун арыйан, оскуолатааҕы хаартыскаларбытын көрөн, оҕо сааска хаттаан эргиллэн ылабыт.

edersaas.ru

Бүгүн ураты күн – Оҕо көмүскэлин норуоттар икки ардыларынааҕы күнэ. Оҕолорбутугар бастыҥ усулуобуйа олохтуур, кинилэри быраап өттүнэн көмүскүүр ирдэнэрин, үүнэр ыччаты иитиигэ төрөппүт уонна уопсастыбаннас оруолун чорботон бэлиэтиибит.

Оҕолор судаарыстыбаннай бэлиитикэҕэ, ийэ уонна оҕо буолууга инники күөҥҥэ сылдьаллар, дьиэ кэргэн суударыстыбаттан көмүскэллээх. Биһиги өрөспүүбүлүкэбитигэр оҕону иитиигэ, сайыннарыыга, талааннаах ыччаты өйөөһүҥҥэ, саҥа оскуолалары, уһуйааннары, социальнай эбийиэктэри тутууга улахан болҕомто ууруллар.

Бу күннэргэ сайыҥҥы сынньалаҥ, сөбүлүүр киинэ көрүүтэ, кинигэ ааҕыы уонна сүрэх сытар дьарыгынан умсугуйан дьарыктаныы кэмэ саҕаланна. Биһиги оҕо интэриэһин учуоттаан, араас хайысхалаах интерактивнай бырагыраамалары оҥордубут. Ол иитинэн оҕолор омук тылын үөрэтиэхтэрин, биирдиилээн уонна хамаанданан квиз оонньуохтарын, викторинаҕа кыттыахтарын, саха эстрадатын “сулустарын” кытта ыллыы үөрэниэхтэрин, сокуон, быраап туһунан билсиэхтэрин, маркетинг уонна биисинэс-былаан туһунан, о.д.а. билиэхтэрин сөп.

Убаастабыллаах төрөппүттэр! Бу биһиги барыбыт бырааһынньыкпыт. Оҕолорбут ситиһиилэриттэн бары үөрэбит, дьоллонобут уонна дьиэ кэргэн, бары киэн туттабыт.

Үтүө-мааны бырааһынньыгынан — Оҕо көмүскэлин норуоттар икки ардыларынааҕы күнүнэн барыгытын эҕэрдэлиибин! Оҕолоргутун уонна бэйэҕитин харыстааҥ!

Убаастабылы кытта, СӨ үөрэҕин уонна наукатын миниистирэ Михаил СИВЦЕВ.

+1
0
+1
0
+1
0
+1
0
+1
0
+1
0
+1
0