Өрөспүүбүлүкэҕэ Оҕо хамсааһынын күнүн көрсө ахсынньы 1-8 күннэригэр “Дьулуур” холбоһук актыбыыстара “Сосновый бор” чэбдигирдэр кииҥҥэ сынньаналлар. Саха сирин 29 улууһуттан 300-тэн тахса көхтөөх оҕо кэлэн дьарыктанар.
Манна кинилэр “Саха сирин эдэр лидердэрэ”, “Юнкордар – бөрүө рыцардара”, “Киинэни оҥорооччулар” диэн бырагыраамаларынан үөрэнэллэр, интэриэһинэй дьону кытта көрсөллөр, куонкурустарга кытталлар. Холобур, юнкордар Ыччат, дьиэ кэргэн политикатын миниистирэ Афанасий Владимировтан пресс-конференция чэрчитинэн интервью ылбыттара.
Бу үс бырагырааманан ыытыллыбыт куонкурустарга кыайбыт оҕолор “Океан” лааҕырга баран, Бүтүн Россиятааҕы куонкуруска Саха сирин чиэһин көмүскүөхтэрэ.
Ахсынньы 5 күнүгэр Дьокуускайга Оҕо айымньытын дьиэтигэр Оҕо хамсааһынын күнүн киэҥник бэлиэтээтилэр, үлэ түмүгүн таһаардылар.
Ангелина ВАСИЛЬЕВА.
+1
+1
+1
+1
+1
+1
+1