СӨ Доруобуйа харыстабылын министиэристибэтэ уонна ыарыыны эрдэттэн сэрэтии өрөспүүбүлүкэтээҕи киинэ бэс ыйын 27 күнүгэр доруобуйа дьаарбаҥкатын тэрийдилэр.
edersaas.ru
Орджоникидзе болуоссатыгар ыытыллыбыт дьаарбаҥка «Доруобай киһи – доруобай кэскил» диэн куораттааҕы XI ааксыйа чэрчитинэн ыытыллар.
Бу күн оҕо быраастара (нефролог, хирург, аллерголог, пульмонолог, педиатр, психиатр-нарколог, клиническэй психолог уо.д.а.) оҕолорго уонна төрөппүттэргэ тустаах сүбэлэри биэрдилэр. Ону сэргэ. «Хорсун быһыы уруоктара», «Оҕолору сөптөөхтүк аһатыы», «Айах гигиената», «Тирии ыарыыларын сэрэтии» уо.д.а. лиэксийэлэри иһиттилэр.
Дьаарбаҥка кыттыылаахтара бэйэлэригэр улахан туһаны ылбыттарын сэргэ, чөл олох туһунан буклеттардаах, «ЗОЖ» диэн суруктаах блокноттардаах, уруучукалаах бардылар.
Надежда ЕГОРОВА, «Саха сирэ» хаһыат, edersaas.ru